Rusiya Prezidenti Vladimir Putin Pekində yapon işğalına qarşı Çin xalq müqaviməti və İkinci Dünya müharibəsində qazanılmış Qələbənin 80-ci ildönümü ilə bağlı keçirilən təntənəli tədbirlərdə  Azərbaycan Prezidenti İlham Əliyevlə salamlaşdığını deyib.

Senzor.az bildirir ki, Rusiya Prezidenti bu barədə Pekində keçirdiyi mətbuat konfransında Moskva ilə Bakı arasında münasibətlərin vəziyyəti ilə bağlı sualı cavablandırarkən danışıb. 

Rusiya lideri Azərbaycan Prezidentini və onun xanımını salamladığını dəqiqləşdirərək qeyd edib ki, ölkələr arasında münasibətlərdə “hazırkı vəziyyətə və ya hansısa siyasi vəziyyətə görə həmişə bəzi suallar yaranır və problemlər var”.

“Lakin mən hesab edirəm ki, Azərbaycan ilə Rusiya arasında fundamental münasibətlər və onların inkişafına qarşılıqlı maraq yenə də sonda hər şeyi öz yerinə qoyacaq”, - deyə o vurğulayıb.