Yaponiyanın Baş naziri Sanae Takaiçi Ukraynadakı müharibə ilə bağlı Rusiyaya qarşı sanksiyaların tətbiqini davam etdirəcəyinə söz verib.

Bu barədə “Japan Times” məlumat yayıb.

“Rusiyaya qarşı sanksiyaların tətbiqinə və Ukraynaya dəstək verməyə davam edəcəyik. Biz həmişə Ukraynanın tərəfindəyik və bu mövqe dəyişməzdir”, - o bildirib.

Sanae Takaiçi əlavə edib ki, beynəlxalq ictimaiyyətin sülhü bərpa etmək üçün birləşməsi və Ukraynanı dəstəkləməsi çox vacibdir.