Duman səbəbindən səkkiz təyyarə "Zvartnots" hava limanına eniş edə bilməyib.

Senzor.az yerli KİV-ə istinadən bildirir ki, bu barədə Ermənistan Mülki Aviasiya Komitəsindən məlumat verilib.

Qeyd olunub ki, yaxın saatlarda İrəvana başqa reyslərin gəlməsi gözlənilmir. Aeroportun onlayn-tablosuna əsasən, əlverişsiz hava şəraiti ilə əlaqədar Afina, Vyana və Varşavadan yerinə yetirilən reyslər ləğv edilib, bir sıra digər reyslər isə ləngiyir. 

İlkin məlumata görə, təyyarələrin bir hissəsi Tbilisidə eniş edib. Moskvadan yerinə yetirilən reyslərdən biri isə Mahaçqalaya yönləndirilib.