Gürcüstanda zəlzələ baş verib.
Senzor.az bildirir ki, bu barədə Gürcüstanın Milli Seysmik Monitorinq Mərkəzi məlumat yayıb.
Məlumata görə, yeraltı təkanlar Tbilisi vaxtı ilə saat 14:50-də baş verib. Zəlzələnin episentri Raça-Leçxumi bölgəsinin Oni şəhərindən 7 kilometr cənub-şərqdə, İri kəndi ərazisində yerləşib.
Yeraltı təkanların maqnitudası 3,1 bal (ML) təşkil edib.
Hər hansı dağıntı və ya insan tələfatı barədə məlumat verilməyib.
