Ermənistanın paytaxtı İrəvanın mərkəzində, Dövlət Nəzarət Xidməti binasının yaxınlığında - Ermənistan prezidenti iqamətgahının arxasında yanğın baş verib.
Senzor.az yerli KİV-ə istinadən bildirir ki, yanğından əvvəl partlayış səsləri eşidilib.
Hadisə yerinə yanğından mühafizə qüvvələri cəlb olunub.
Son məlumata görə, partlayış və yanğına səbəb ərazidə baş verən ağır yol-nəqliyyat hadisəsi olub. Qəza zamanı dörd nəqliyyat vasitəsi - üç minik avtomobili və bir betonqarışdırıcı yük maşını toqquşub. Zərbənin gücündən yük maşını aşıb və hadisəyə cəlb olunan bütün nəqliyyat vasitələri alışaraq yanıb.
Hazırda zərərçəkənlər və qəzanın səbəbləri barədə məlumat dəqiqləşdirilir. Ermənistan hüquq-mühafizə orqanları hadisə ilə bağlı araşdırmaya başlayıblar.
