"CBC Sport" telekanalı UEFA Çempionlar Liqasının yarımfinal mərhələsinin cavab görüşü çərçivəsində keçirilən "Bavariya" - PSJ matçının yayımında yaranan problemə görə məlumat  yayıb.

Senzor.az xəbər verir ki, telekanalın məlumatında mayın 6-da baş tutan qarşılaşmanın yayımının texniki səbəblərdən mümkün olmadığı bildirilib.

Qeyd olunub ki, gün ərzində aparılan ənənəvi testlər zamanı heç bir problem aşkarlanmasa da, matçın başlamasına təxminən 5 dəqiqə qalmış gözlənilməz texniki nasazlıq yaranıb. Problemin aradan qaldırılması üçün dərhal zəruri tədbirlər görülsə də, bütün səylərə baxmayaraq, yayımı bərpa etmək mümkün olmayıb.

Telekanal baş verən hadisəyə görə məsuliyyətini tam dərk etdiyini bildirərək futbol azarkeşlərindən üzr istəyib və belə halların təkrarlanmaması üçün bütün lazımi addımların atılacağını qeyd edib.