ABŞ Prezidenti Donald Tramp Vaşinqton və Tehran arasında son 24 saat ərzində çox yaxşı danışıqlar aparıldığını bildirib.

Senzor.az yerli KİV-ə istinadən bildirir ki, Tramp bu barədə Ağ Evdə jurnalistlərə açıqlamasında deyib.

“Son 24 saatda çox yaxşı danışıqlar apardıq və razılığa gəlmək ehtimalı çox yüksəkdir”, – deyə Tramp bildirib.

ABŞ lideri əlavə edib ki, Vaşinqton istədiyini əldə etməlidir.

Trampın sözlərinə görə, Tehran da razılaşma əldə etmək istəyir.

“Biz həqiqətən razılaşmaq istəyən insanlarla işləyirik və onların bizi qane edən bir razılaşma əldə edib-etmədiklərini görəcəyik. Görək razılaşacaqlarmı, yoxsa yox. Əgər alınmasa, böyük addım atmalı olacağıq”, – deyə o vurğulayıb.