Rusiyalı astronomlar Günəşin səthində ləkələrin birləşməsindən yaranmış nəhəng ox fiquruna bənzər görüntüləri yayıblar.
Oxu.az xəbər verir ki, bu maraqlı hadisə ilə bağlı Rusiya Elmlər Akademiyası Kosmik Tədqiqatlar İnstitutunun rəsmi "Telegram" səhifəsində paylaşım edilib. 
Mütəxəssislər bu kosmik mənzərəni zarafatyana belə şərh ediblər: "Hazırda Günəş sistemində profilaktik təmir işləri gedir. Uçuşu sağ tərəfdən həyata keçirin".
Tədqiqatçılar paylaşımı təmir xəbərdarlığına dair yol nişanı ilə onun Günəşdəki oxşarını kollaj şəklində təqdim ediblər.
