CHP sədri Özgür Özəl haqqında istintaq başladılıb.
Senzor.az bildirir ki, bu barədə Türkiyənin ədliyyə naziri Yılmaz Tunç sosial şəbəkə hesabında paylaşım edib.
Nazir bildirib ki, istintaqa səbəb onun ölkə Prezidenti Rəcəb Tayyib Ərdoğana qarşı söylədiyi sözlərdir: “CHP sədrinin Prezidentimizin ünvanına söylədiyi təhqiramiz ifadələrlə bağlı Ankara Respublika Baş Prokurorluğu tərəfindən araşdırma başlanıb. Hörmət həddini aşan bu sözlər 86 milyon vətəndaşımızı təmsil edən iradəyə açıq-aşkar hücumdur.
Siyasət ədəb və əxlaq çərçivəsində aparılır. CHP sədrinin istifadə etdiyi bu yersiz dil artıq sadəcə üslub məsələsi deyil.
Millətimiz, əvvəllər də olduğu kimi, böhtanla məşğul olanlara yol verməyəcək”.
