Hindistan Çin ilə sərhəddə S-400 “Triumf” zenit-raket kompleksləri yerləşdirəcək. Onların yaxın 2-3 ay ərzində istifadəyə hazır olacağı bildirilir.
“Times of India” qəzetinin məlumatına görə, S-400 zenit-raket komplekslərinin yerləşdirilməsi ilə Hindistanın uzaq məsafədə düşmən qırıcılarını, strateji bombardmançı təyyarələrini, raketlərini və dronlarını aşkarlamaq və məhv etmək qabiliyyəti yüksələcək.
