İspaniyanın Toledoda Urda stansiyası yaxınlığında iki sərnişin qatarı toqquşub.
Senzor.az xarici KİV-ə istinadən bildirir ki, qatarlardan biri "Renfe", digəri isə "Iryo" şirkətinə məxsus olub. Kastiliya-La-Mança muxtar əyaləti hökumətinin məlumatına görə, hadisə nəticəsində 68 nəfər ölüb, çox sayda insan ağır xəsarət alıb. Qəzaya uğrayan qatarlarda ümumilikdə 500-dən çox sərnişinin olduğu bildirilir.
Bu arada İspaniyanın Əndəlus muxtar icmasının hakimiyyət orqanları Toledo əyalətində baş vermiş dəmir yolu qəzasında həlak olanlarla əlaqədar üçgünlük matəm elan edib.
“Əndəlusdə bu gündən oktyabrın 31-i, şənbə gününədək üçgünlük rəsmi matəm elan edirik. Dəhşətli hadisənin təsiri altındayıq. Bütün Əndəlus bu dəmir yolu qəzasında zərər çəkənlərlə birlikdə yas tutur”, – deyə bölgə hökumətinin başçısı Xuan Manuel Moreno “X” sosial şəbəkəsində yazıb. (Bax: https://www.youtube.com/watch?v=cLlneDChg_A)
