Bu ilin ilk yarısında Gürcüstandan 11 nəfər Azərbaycan vətəndaşı deportasiya edilib.
“Report” xəbər verir ki, bu barədə Gürcüstanın Daxili İşlər Nazirliyinin hesabatında bildirilib.
Sənədə əsasən, həmin şəxslərin üçü 41-65 yaş, üçü 18-25 yaş qrupuna daxil olan, beşi isə 18 yaşa çatmayan şəxslərdir.
Hesabat dövründə Gürcüstandan ümumilikdə 93 nəfər xarici ölkə vətəndaşı çıxarılıb. Qonşu ölkədə ən çox İran (16 nəfər) və Türkiyə (13 nəfər) vətəndaşları deportasiya ilə üzləşiblər.
