San-Marinoda gənc basketbolçular arasında təşkil olunan Avropa çempionatının C divizionunda mübarizə aparan Azərbaycanın U-18 komandası üçüncü olub.
Senzor.az bildirir ki, bürünc medal uğrunda görüşdə millimiz qrupda məğlub etdiyi Lüksemburq seçməsi ilə qarşılaşıb.
Gərgin idman mübarizəsi şəraitində keçən görüşdə yığmamız qalib gəlməyi bacarıb. Əlavə vaxtın ayrıldığı oyunda Tahir Baxşıyev və Anar Sarıyevin yetirmələri yekunda 78:73 hesabı ilə parketdən qalib ayrılaraq Avropa çempionatının bürünc medalına sahib olublar.
