İstanbulda terror aktı planlaşdıran şəxs həbs edilib.

Senzor.az yerli KİV-ə istinadən bildirir ki, bu ilin iyul ayında İrandan keçərək Türkiyəyə daxil olan Mehdi Mıhçı adlı terrorçu İstanbulun Fatih rayonunda ələ keçirilib. Onun üzərində saxta şəxsiyyət vəsiqəsi aşkar olunub.

Polis idarəsində ifadə verən terrorçu 2014-cü ildə PKK terror təşkilatına üzv olduğunu, “Baton Cilo” kod adından istifadə etdiyini bildirib.

Terrorçu uzun müddət İraqda olduğunu, orada Türkiyə Silahlı Qüvvələrinin keçəcəyi bölgələrdə mina yerləşdirmələrdə iştirak etdiyini etiraf edib.

Bu şəxsin terror təşkilatının liderlərindən Murat Karayılanın göstərişi ilə İstanbula gəldiyi müəyyən edilib.