Estoniya və Finlandiya sahil mühafizəsi üzrə raket sistemlərini birləşdirəcək. Bu, daha əvvəl elan edilmiş mühafizə planlarının inteqrasiyası çərçivəsində baş tutacaq.
Senzor.az yerli KİV-ə istinadən bildirir ki, bu barədə Estoniyanın müdafiə naziri Hanno Pevkur məlumat verib.
Onun sözlərinə görə, Estoniya və Finlandiya raketlərinin fəaliyyət diapazonu Fin körfəzinin genişliyindən çoxdur: “Bu o deməkdir ki, biz raketdən müdafiə sistemimizi birləşdirəcəyik və bütün məlumatları bir-birimizlə paylaşacağıq. Bu qərar Fin körfəzinin Rusiya hərbi gəmiləri üçün bağlanmasına imkan verəcək. Finlandiya və İsveç NATO-ya daxil olanda Baltik dənizi NATO-nun daxili dənizinə çevriləcək”.
