“Flyone Armenia” 2015-ci ildən sonra Türkiyəyə uçuşlar həyata keçirəcək ilk Ermənistan aviaşirkəti olacaq.Senzor.az yerli KİV-ə istinadən bildirir ki, bu barədə Ermənistanın Mülki Aviasiya Komitəsi məlumat yayıb.
"Flyone Armenia” aviaşirkəti bundan əvvəl də İstanbula uçuşlar həyata keçirmək niyyətində olduğunu bəyan edib.
“Ermənistan aviaşirkətləri 2015-ci ildən bəri Türkiyəyə uçuşlar həyata keçirməyib”, - komitənin açıqlamasında qeyd edilib.
Bildirilib ki, “Aviasiya haqqında” qanunda nəzərdə tutulduğu kimi, uçuşların keyfiyyətinə komitə tərəfindən nəzarət ediləcək.
Xatırladaq ki, dünən Türkiyənin xarici işlər naziri Mövlud Çavuşoğlu yaxın günlərdə İstanbul-İrəvan reyslərinə başlanacağını açıqlayıb.
