Türkiyə, Rusiya və İran prezidentləri Suriyadakı böhranlı vəziyyətdən çıxış yollarını müzakirə etmək məqsədilə 2022-ci ilin fevral-mart aylarında Tehranda Zirvə toplantısı keçirmək barədə razılığa gəliblər.Senzor.az yerli KİV-ə istinadən bildirir ki, bu barədə İran xarici işlər nazirinin xüsusi siyasi məsələlər üzrə müşaviri Əli Əsgər Haci məlumat verib.
“Belə bir sammitin keçirilməsi planlaşdırılır. Bu toplantını gələn ilin əvvəlində keçirməyə hazırlaşırıq. Bu pandemiya ilə bağlı vəziyyətdən asılı olacaq. Çox güman ki, toplantı fevral, ya da martda keçiriləcək”, - müşavir qeyd edib.İran rəsmisinin sözlərinə görə, prezidentlərin görüşündən əvvəl XİN rəhbərləri səviyyəsində görüşün keçirilməsi də planlaşdırılır.
Xatırladaq ki, Rusiya, İran və Türkiyə liderləri 2020-ci il iyulun 1-də virtual formatda keçirilən görüşdə Suriya məsələsini müzakirə etmiş və növbəti görüşün Tehranda keçirilməsi barədə razılığa gəlmişdilər.
