Senzor.az bildirir ki, bu barədə Daxili İşlər Nazirliyi Mətbuat Xidmətinin Bərdə regional qrupundan məlumat verilib.
Bildirilib ki, işğaldan azad edilən ərazilərdə polis əməkdaşları tərəfindən silah-sursatın aşkar edilməsi istiqamətində profilaktiki tədbirlər davam etdirilir.
Xocavənd Rayon Polis Şöbəsi əməkdaşlarının rayon ərazisində keçirdikləri nəzarət tədbirləri ilə erməni ordusuna məxsus silah-sursat aşkar edilib.
Polis əməkdaşları bir minaatan qurğusu, iki qumbaraatan, səkkiz top mərmisi və 6 200 müxtəlif çaplı patronlar götürərək aidiyyəti üzrə təhvil veriblər.
