Türkiyənin milli müdafiə naziri Hulusi Akar Silahlı Qüvvələrin komandanlığı ilə birlikdə İraqla sərhəd xəttinə səfər edib.Senzor.az yerli KİV-ə istinadən bildirir ki, məlumatı Türkiyənin Müdafiə Nazirliyi yayıb.
Bildirilib ki, Hulusi Akar Türkiyə Silahlı Qüvvələrinin Baş Qərargah rəisi ordu generalı Yaşar Gülər, Quru Qoşunları komandanı ordu generalı Musa Avsevər, Hərbi Dəniz Qüvvələri komandanı admiral Adnan Özbal və Hərbi Hava Qüvvələri komandanı ordu generalı Hasan Küçükakyüzlə birlikdə Şırnaka gedib.
Nazir və komandalıq sərhəddəki vəziyyətlə tanış olub, sərhəd xəttindəki komandirlələ toplantı keçirib.
Akar İraqla sərhəddə və Şimali İraqda antiterror əməliyyatları aparılan bölgədə yerləşən bölmələrin komandirləri ilə videokonfrans vasitəsilə də müzakirələr aparacaq.
