Bazar günü Belçikanın paytaxtı Brüsseldə koronavirus pandemiyası ilə bağlı məhdudiyyətlərə qarşı “Avropanın azadlıq nümayişi” keçirilib.Senzor.az yerli KİV-ə istinadən bildirir ki, nümayişdən sonra iğtişaşlar baş verib.
Brüssel-İxelles şəhərinin mərkəzi zonası polis idarəsinin yaydığı məlumatda deyilir ki, "Ən azı 12 etirazçı və 3 polis yaralanıb".
Polisin hesablamalarına görə, Avropada sanitar məhdudiyyətlərə qarşı nümayişdə 50 min nəfərə qədər insan iştirak edib. Brüsselin Avropa Məhəlləsində keçirilən nümayişdən sonra polislə toqquşmalar və 1 000 nəfərə qədər adamın iştirak etdiyi talanlar olub.
Etirazçılar polis avtomobillərinə hücum edib, Avropa İttifaqının (Aİ) bayrağını yandırıblar.
Onlar həmçinin hökumətin istefasını tələb ediblər. Hazırda şəhər küçələri əsl döyüş meydanını xatırladır.
Polis təzyiqli su və gözyaşardıcı qazdan istifadə edib, onlarla nümayişçi saxlanılıb.
