Rusiyanın xarici işlər naziri Sergey Lavrov Ukrayna Prezidenti Volodimir Zelenskini Moskvaya gəlməyə dəvət edib.TASS xəbər verir ki, Rusiya XİN-in rəhbəri bu barədə radiostansiyalara müsahibəsində deyib.
“Əgər Ukrayna lideri RF ilə ikitərəfli münasibətlərin normallaşmasını müzakirə etmək istəyirsə, biz hazırıq, qoy Moskvaya, yaxud Soçiyə, Peterburqa gəlsin”, - deyə Lavrov qeyd edib.
Prezident Vladimir Putinin məsələ ilə bağlı fikirlərini diqqətə çatdıran nazir deyib ki, əgər Zelenski Donbası müzakirə etmək istəyirsə, onda “Normad formatı”nın qərarı ilə Kiyev və Donetsk, Kiyev və Luqansk arasında bütün məsələlərin nizamlanmasına baxmalı olan təmas qrupuna üz tutsunlar.
