ABŞ-ın keçmiş prezidenti Donald Tramp Texas ştatının Konro şəhərində keçirilən mitinqdə tərəfdarları qarşısında çıxış edərkən hakimiyyətə qayıdan kimi Co Baydenə qarşı korrupsiya təhqiqatına başlayacağını bəyan edib. Siyasətçi onun Respublikaçılar Partiyasından olan həmkarlarının bu il noyabrın 8-də keçiriləcək aralıq seçkilərdə Nümayəndələr Palatasında və Senatda səs çoxluğu əldə edəcəyinə əmindir.
“Əmin olun ki, Respublikaçılar Konqresi geri qazandıqda, Baydenin korrupsiyası Konqres tərəfindən araşdırılacaq və ifşa olunacaq. Baydenin Çindən götürdüyü milyonlarla dollar hamıya məlumdur”,- Tramp bildirib.
Modern.az xatırladır ki, Ağ Evin hazırkı rəhbəri, xüsusən də Ukraynanın “Burisma” şirkətinin İdarə Heyətində yer alan oğlu Hunterin çoxsaylı xarici biznes layihələrində iştirakı ilə bağlı ittihamları rədd edir.
