ABŞ dövlət katibinin siyasi məsələlər üzrə müavini Elison M. Huker bu həftə Azərbaycana səfər edəcək.
Senzor.az yerli KİV-ə istinadən bildirir ki, bu barədə ABŞ Dövlət Departamenti məlumat yayıb.
“Dövlət Katibinin müavini Huker 15–21 noyabr 2025-ci il tarixlərində Ermənistan və Azərbaycanda işgüzar səfərdə olacaq”, - Dövlət Departamentinin saytında bildirilib.
Qeyd edək ki, ABŞ dövlət katibinin müavini Elison Huker artıq Ermənistandadır. "Sputnik-Ermənistan"ın məlumatına görə, səfər çərçivəsində E.Huker ölkə rəhbərliyi ilə "Tramp Marşrutu" (TRIPP) layihəsini və Ermənistan-Türkiyə münasibətlərini müzakirə etmək niyyətindədir.
ABŞ dövlət katibinin müavini İrəvanda Baş nazir Nikol Paşinyan, xarici işlər naziri Ararat Mirzoyan, Təhlükəsizlik Şurasının katibi Armen Qriqoryan və Türkiyə ilə münasibətlərin normallaşdırılması üzrə xüsusi nümayəndə Ruben Rubinyanla görüşəcək.
