G7 ölkələrinin (“Böyük yeddilik”) xarici işlər nazirləri Ukraynanın xarici işlər naziri Dmitri Kulebanı “Böyük yeddiliy”in toplantısında iştiraka dəvət ediblər.TASS xəbər verir ki, bu barədə Almaniyanın xarici işlər naziri Annalena Berbok Münhen Təhlükəsizlik Konfransındakı danışıqların yekunlarına dair açıqlama verərkən deyib.
"Biz ona dedik ki, Ukrayna üçün ağır iqtisadi və maliyyə böhranına çevrilən bu ağır böhran zamanı biz G7-dəki tərəfdaşlar olaraq Ukraynanın tərəfindəyik", - Berbok jurnalistlərə bildirib.
Onun sözlərinə görə, Ukrayna 2014-cü ildən bu günə kimi G7 və digər beynəlxalq institutlardan ümumilikdə 48 milyard ABŞ dollarından çox vəsait əldə edib.
