Ermənistanın Baş nazir Nikol Paşinyanın Sankt-Peterburqa səfəri zamanı onun Rusiyadakı erməni icması ilə görüşünü pozmaq üçün cəhdlər olub.
Senzor.az bildirir ki, bu barədə yerli KİV Ermənistan parlamentinin spikeri Alen Simonyana istinadən məlumat yayıb.
“Baş nazirin Rusiya Federasiyasına səfərinin və erməni icması ilə görüşünün uğursuz keçməsi üçün böyük səylər göstərildi. Lakin bu baş tutmadı və baş tutmayacaq”, - Simonyan sosial şəbəkədə yazıb.
O, Paşinyana qarşı mitinqə dəvət olunduğunu iddia edən sosial şəbəkə istifadəçisi ilə yazışmanı da paylaşıb.
