Azərbaycandan idxal olunan benzinin keyfiyyəti Avrasiya İqtisadi İttifaqının texniki tələblərinə tam uyğundur.
Senzor.az yerli KİV-ə istinadən bildirir ki, bunu Ermənistanın Bazara Nəzarət üzrə Təftiş Orqanının rəhbəri Armen Kotolyan mətbuat konfransında deyib.
Onun sözlərinə görə, benzin nümunələri üzərində Milli Standartlaşdırma və Metrologiya Orqanında laborator sınaqlar aparılıb və bütün partiya Avrasiya İqtisadi İttifaqının texniki tələblərinə tam cavab verir.
“Keyfiyyət baxımından heç bir problem aşkarlanmayıb”, - Kotolyan bildirib.
Qeyd edək ki, Azərbaycanla Ermənistan arasında sülh gündəliyinə uyğun olaraq ötən il dekabrın 18-də Azərbaycandan Ermənistana neft məhsullarının ixracına başlanılıb. Azərbaycan neft məhsullarının Ermənistana ixracı sırf kommersiya xarakterlidir və benzin beynəlxalq bazar qiymətlərinə uyğun satılır.
