“Rusiya xarici siyasətində əsas diqqəti post-sovet məkanına, MDB, Avrasiya İqtisadi Birliyi və KTMT-yə yönəldib”.

Senzor.az yerli KİV-ə istinadən bildirir ki, bunu Rusiyanın xarici işlər naziri Sergey Lavrov deyib.

“Hər bir tərəfdaş ölkə ilə prezidentlər və baş nazirlərin razılaşmalarına əsaslanaraq beynəlxalq arena, BMT və digər təşkilatlar çərçivəsində ticari-iqtisadi və investisiya sahələrində, elmi əməkdaşlıq üzrə konkret planlar, birgə fəaliyyətlər hazırlayırıq. Xüsusi diqqət MDB, Avrasiya İqtisadi Birliyi və KTMT-yə, ümumilikdə post-sovet məkanına yönəldilib”, - o bildirib.

Lavrov iddia edib ki, bu gündəlik fəaliyyət uzunmüddətli planlara əsaslanır, həm Rusiya, həm də tərəfdaşları üçün birbaşa qarşılıqlı fayda gətirir.