Ukrayna ölkədə baş verən müharibə ilə əlaqədar itkilərini açıqlayıb. Senzor.az yerli KİV-ə istinadən bildirir ki, səhiyyə naziri Viktor Lyaşko sosial şəbəkələrdə 3-ü uşaq olmaqla 198 nəfərin rus hərbçiləri tərəfindən öldürülməsi barədə məlumat paylaşıb. Onun sözlərinə görə 1115 nəfər yaralanıb.
“Təəssüf ki, əməliyyat məlumatlarına görə, işğalçıların əli ilə 198 nəfər həlak olub, onlardan 3-ü uşaqdır. 1115 insan isə müxtəlif bədən xəsarətləri ilə yaralanıblar. Yaralılardan 33-ü uşaqdır”, - deyə Lyaşko qeyd edib.
O, ötən gecə Xersondakı sığınacaqda quraşdırılmış doğum evində partlayış səsləri altında 2 körpə oğlanın doğulduğunu da vurğulayıb.
