Bu gün İranın yeni Ali rəhbəri Müctəba Xameneinin andiçmə mərasimi keçiriləcək.
Senzor.az yerli KİV-ə istinadən bildirir ki, Tehranın mərkəzindəki Azadi meydanında təşkil olunacaq tədbir Bakı vaxtı ilə saat 15:30-da başlayacaq.
Qeyd edək ki, Müctəba Xamenei İran Ekspertlər Şurasının qərarı ilə ölkənin yeni Ali rəhbəri seçilib.
"The New York Times" yazır ki, İranın əvvəlki Ali rəhbərinin oğlu Müctəba Xamenei İslam İnqilabı Keşikçiləri Korpusu (SEPAH) ilə sıx əlaqələri ilə tanınır. Qəzetin mənbələrinin sözlərinə görə, Əli Xameneinin həlak olmasından sonra SEPAH onun oğlunun təyin olunmasında israr edib.
Xatırladaq ki, İranın əvvəlki Ali rəhbəri Ayətullah Seyid Əli Xamenei 2026-cı il fevralın 28-də ABŞ və İsrailin İrana qarşı birgə əməliyyatının ilk günündə öz iqamətgahında öldürülüb.
