Son bir həftə ərzində İranın ABŞ-ın Səudiyyə Ərəbistanındakı "Şahzadə Sultan" aviabazasına hücumları nəticəsində 29 amerikalı hərbçi yaralanıb.
Bu barədə "Times of Israel" mənbələrinə istinadən məlumat yayıb.
Qeyd olunur ki, bu həftənin əvvəlində baza iki dəfə hücuma məruz qalıb, nəticədə 14 amerikalı hərbçi yaralanıb. Dünən isə İran aviabazaya 6 ballistik raket və 29 pilotsuz uçuş aparatı ilə hücum edib və ən azı 15 hərbçi xəsarət alıb. Onlardan beşinin vəziyyəti ağırdır. Daha əvvəl ABŞ rəsmiləri ən azı 10 amerikalı hərbçinin yaralandığını, o cümlədən ikisinin vəziyyətinin ağır olduğunu bildirmişdilər.
Bundan başqa, digər mənbələr bazada olan bir neçə yanacaqdoldurma təyyarəsinə də ciddi ziyan dəydiyini bildirirlər.
