“Belarus müharibə istəmir, amma hazırlaşır”.
Senzor.az yerli KİV-ə istinadən bildirir ki, bunu Belarus Prezidenti Aleksandr Lukaşenko Silahlı Qüvvələrdə genişmiqyaslı yoxlanışdan sonra keçirilən müşavirədə deyib.
“Sülh dövrü deyil, müharibəyə hazırlaşırıq. Silahlı Qüvvələri də elə buna görə yaratmışıq və qoruyub saxlayırıq, xalq da bizə və sizə dəstək üçün pul ödəyir. Amma hamı anlamalıdır ki, biz tamamilə müharibəyə qarşıyıq. Çünki müharibənin nə demək olduğunu bilirik. Müharibə istəmirik, amma ordu elə buna görə var. Əgər kimsə bizimlə başqa cür danışmaq istəsə, cavab verəcəyik. O ana hazırlaşırıq”, - deyə Belarus lideri vurğulayıb.
