İranın şimalında yerləşən Babolsər şəhərində azı 4 dövlət qulluqçusu saxlanılıb.
"Tasnim" xəbər verir ki, həmin şəxslər düşmənin xeyrinə casusluq etməkdə ittiham olunurlar.
Dövlət məmurlarının konkret olaraq hansı əməllərdə günahlandırıldığı barədə ətraflı məlumat verilmir.
Xatırladaq ki, martın 17-də İran məhkəmə sisteminin rəhbəri Qulamhüseyn Mohseni-Ejei İsrail və ABŞ ilə əməkdaşlıqda, habelə onların xeyrinə casusluqda təqsirli bilinən şəxslərin ölüm hökmünə və ya əmlaklarının tamamilə müsadirə olunmasına məhkum ediləcəyini bəyan edib.
Martın 15-də isə İran polis rəisi Əhməd Rza Radan fevralın 28-dən bəri ölkənin hüquq-mühafizə orqanları tərəfindən düşmənlə əməkdaşlıqda şübhəli bilinən azı 500 nəfərin həbs edildiyini açıqlayıb.
