İranda "İran Xalq Mücahidləri Təşkilatı" ("Mücahid-e Xalq") terror qruplaşması ilə əlaqəli olan, hökumət əleyhinə iğtişaşlarda iştirak edən daha iki nəfər edam olunub.

Bu barədə SNN telekanalı məlumat yayıb.

Bildirilib ki, onlar dövlət müəssisələrinə qarşı qumbaraatanlardan istifadə etməklə terror aktları törətməkdə, eləcə də partlayıcı qurğular hazırlamaqda təqsirli hesab olunmuşdular. İstintaq başa çatdıqdan sonra hər ikisi üsyankarlığa görə edam cəzasına məhkum edilib.

İran Ali Məhkəməsi hökmü təsdiqləyib. Məhkumlar martın 31-də asılıb.

Senzor.az xatırladır ki, İranda terror aktları törətdiklərinə görə "Mücahid-e Xalq”ın iki üzvü də dünən edam olunmuşdu.