Türkiyə Prezidenti Rəcəb Tayyib Ərdoğan və ABŞ Prezidenti Donald Tramp arasında telefon danışığı olub.
Senzor.az bildirir ki, bu barədə Türkiyə Prezident Administrasiyasının Kommunikasiya İdarəsi məlumat yayıb.
Qeyd olunub ki, telefon danışığı zamanı ABŞ-ın İranla bağlı elan olunan atəşkəs razılşaması başda olmaqla, bölgədəki cari hadisələr müzakirə edilib.
Atəşkəsdən məmnunluğunu ifadə edən Rəcəb Tayyib Ərdoğan bütün dünya üçün olduqca çətin və gərgin keçən 40 gündən sonra yaranan ikihəftəlik fürsət pəncərəsinin daimi sülh razılaşması üçün çox yaxşı dəyərləndirilməli və bu prosesin pozulmasına imkan verilməməli olduğunu vurğulayıb.
Türkiyə lideri başda Pakistan olmaqla dost və qardaş ölkələrlə birlikdə aparılan həll səylərinə Türkiyənin dəstəyinin artaraq davam edəcəyini vurğulayıb.
