İran parlamentinin sədri Məhəmməd Baqir Qalibaf ABŞ Prezidenti Donald Trampın Hörmüz boğazındakı vəziyyət və zənginləşdirilmiş uranla bağlı bir sıra iddialarını təkzib edib.
Senzor.az yerli KİV-ə istinadən bildirir ki, Qalibaf bu barədə “X” platformasında yazıb.
Parlament sədri qeyd edib ki, ABŞ Prezidenti bir saat ərzində yeddi iddia irəli sürüb və onların heç biri doğru deyil.
Qalibaf hamını İran Xarici İşlər Nazirliyi sözçüsünün son müsahibəsinə diqqət yetirməyə çağırıb. Həmin müsahibədə bildirilib ki, İran Trampın iddiasının əksinə, zənginləşdirilmiş uranı heç yerə köçürmək niyyətində deyil.
