İran parlamentinin sədri Məhəmməd Baqir Qalibaf ABŞ ilə atəşkəs razılaşmasının şərtlərini açıqlayıb.
Senzor.az yerli KİV-ə istinadən bildirir ki, Qalibaf bu barədə "X" sosial şəbəkə hesabında yazıb.
"Tam atəşkəs yalnız o halda məna kəsb edir ki, razılaşma dəniz blokadası və dünya iqtisadiyyatının ələ keçirilməsi ilə pozulmasın və İsrailin müharibəni qızışdırması dayandırılsın", - Qalibaf bildirib.
O, əlavə edib ki, Hörmüz boğazının açılması atəşkəsin kobud şəkildə pozulması fonunda qeyri-mümkündür və təzyiq vasitəsilə siyasi-hərbi məqsədlərə nail olmaq cəhdləri nəticə verməyəcək: "Onlar hərbi müdaxilə ilə öz məqsədlərinə çatmadılar, xuliqanlıqla da çatmayacaqlar. Yeganə yol İran millətinin haqlarının tanınmasıdır".
