ABŞ Prezidenti Donald Tramp Almaniya Kansleri Fridrix Mertsi İranla bağlı mövqeyinə görə tənqid edib.
Senzor.az yerli KİV-ə istinadən bildirir ki, bu barədə Tramp “Truth Social” hesabında yazıb.
“Almaniya Kansleri Rusiya-Ukrayna müharibəsini sona çatdırmaq və öz çökmüş ölkəsini xilas etmək üçün daha çox vaxt sərf etməlidir. Xüsusilə də immiqrasiya və enerji sahələrində”,- Tramp vurğulayıb.
Tramp Almaniya liderinin Rusiya-Ukrayna məsələsində rolunun tamamilə qeyri-effektiv olduğunu qeyd edib.
O əlavə edib ki, Merts “İranın nüvə təhdidinin aradan qaldırılması ilə məşğul olan ölkələrin işinə müdaxilə etməyə” daha az vaxt ayırmalıdır.
Qeyd edək ki, Almaniya Kansleri İranla müharibəyə qarşı çıxıb və bunun Avropaya ziyan verdiyini bəyan edib.
