Türkiyə və Ermənistan tarixi Ani körpüsünü birlikdə bərpa edəcəklər.
Türkiyə mediasının xəbərinə görə, bu barədə jurnalistlərə 8-ci Avropa Siyasi Birliyinin Zirvə Toplantısında iştirak etmək üçün İrəvanda səfərdə olan Türkiyənin Vitse-prezidenti Cevdet Yılmaz məlumat verib.
O, Türkiyənin bununla bağlı Ermənistanla müqavilə imzalandığını açıqlayıb.
Müqaviləni Türkiyənin Ermənistanla normallaşma prosesi üzrə xüsusi nümayəndəsi, səfir Sərdar Kılıç və Ermənistanın Türkiyə ilə normallaşma prosesi üzrə xüsusi nümayəndəsi Ruben Rubinyan imzalayıblar.
Cevdet Yılmaz Ermənistan Baş naziri Nikol Paşinyanla məhsuldar görüş keçirdiyini də vurğulayıb.
