Rusiya Müdafiə Nazirliyi İkinci Dünya müharibəsində qələbənin 81-ci ildönümünün qeyd edilməsi münasibətilə 8 və 9 may tarixlərində atəşkəs elan olunduğunu bildirib.

Senzor.az bildirir ki, Rusiya Silahlı Qüvvələri bayram tədbirlərinin təhlükəsizliyinin təmin edilməsi üçün bütün zəruri tədbirləri görəcəyini bəyan edib.

Rusiya tərəfi Ukraynanın da qeyd olunan müddət ərzində hərbi əməliyyatlardan çəkinəcəyinə ümid bəslədiyini vurğulayıb, bayramın qeyd edilməsinə mane olmaq üçün hər hansı cəhd göstərilərsə, Kiyevin mərkəzinə cavab zərbəsi endiriləcəyini bildirib.

Rusiya Müdafiə Nazirliyi Kiyevin mülki əhalisini və xarici diplomatik nümayəndəliklərin əməkdaşlarını paytaxtı vaxtında tərk etməyə çağırıb.