Rusiyada “Facebook” sosial şəbəkəsinə giriş bloklanıb.Senzor.az bildirir ki, bu barədə "Roskomnadzor"un mətbuat xidməti məlumat yayıb.
Məlumatda deyilir ki, 2020-ci ilin oktyabr ayından “Facebook” tərəfindən Rusiya mediasına və informasiya resurslarına qarşı 26 diskriminasiya faktı qeydə alınıb.
“Son günlər sosial şəbəkə “Zvezda” telekanalı, “RİA Novosti” xəbər agentliyi, “Sputnik”, “Russia Today”, Lenta.ru və Gazeta.ru informasiya resurslarının hesablarına girişi məhdudlaşdırıb”, - məlumatda deyilir.
“Facebook”un hərəkətləri “Əsas insan hüquq və azadlıqlarının, Rusiya Federasiyası vətəndaşlarının hüquq və azadlıqlarının pozulmasında iştirak edən şəxslərə təsir tədbirləri haqqında” qanunu pozur”, - “Roskomnadzor”dan bildirilib.
