İranın xarici işlər naziri Abbas Əraqçi ABŞ vizası ilə bağlı problemlərə görə çərşənbə axşamı BMT Təhlükəsizlik Şurasının iclasında iştirak edə bilməyəcək.
İRNA dövlət xəbər agentliyi bildirir ki, bunu brifinqdə İran Xarici İşlər Nazirliyinin sözçüsü İsmayıl Bəqai deyib.
O, jurnalistlərə müsahibəsində “ABŞ vizası ilə bağlı problemlə qarşılaşdıqlarını” söyləyib.
Qeyd edək ki, iclasa Çinin xarici işlər naziri Van İ sədrlik edəcək.
“BMT Nizamnaməsinin məqsəd və prinsiplərinə dəstək və BMT mərkəzli beynəlxalq sistemin gücləndirilməsi” mövzusunda keçiriləcək iclas ABŞ ilə İran arasında münaqişənin davam etdiyi bir vaxta təsadüf edir.
