Ukrayna Prezidenti Volodimir Zelenski ölkədə hava hücumundan müdafiə sistemlərinin çatışmazlığı ilə bağlı həmkarı Donald Tramp və ABŞ Konqresinə göndərdiyi məktuba cavab ala bilməyib.
“NBC News” xəbər verir ki, Ukrayna lideri məktubun çərşənbə axşamı Vaşinqtona çatdırıldığını, lakin qarşı tərəfdən hələ də reaksiya olmadığını bildirib.
Qeyd edək ki, Volodimir Zelenski Ali Rada üzvləri ilə son görüşündə ABŞ-ın raketləri kifayət qədər məhdud sayda satdığını və buna görə də bu sahədə daha qətiyyətli işləməyə çalışacağını vurğulayıb.
