İsrail yaxın gələcəkdə Qəzza zolağındakı hərbi mövcudluğunu genişləndirmək və anklav ərazisinin 70 %-ni nəzarət altına götürmək niyyətindədir.
“Teleqraf” xəbər verir ki, bunu İsrailin Baş naziri Benyamin Netanyahu hökumətin həftəlik iclasında deyib.
O, Qəzzada HƏMAS hərəkatına qarşı əməliyyatların qətiyyətlə davam etdiyini bildirib: "Biz Qəzza zolağında HƏMAS ətrafındakı həlqəni hər tərəfdən daraldırıq. Hazırda anklav ərazisinin 60 %-dən çoxuna nəzarət edirik və tezliklə bu göstəricini 70 %-ə çatdıracağıq. Onların yenidən silahlanmasına və ya bizə zərər vurmasına icazə verməyəcəyik, həmçinin yüksək komandanlıq heyətini məhv edəcəyik".
