İslam İnqilabı Keşikçiləri Korpusu (SEPAH) ABŞ Prezidenti Donald Trampın İranla müqaviləni bazar günü imzalamaqda qeyri-adi israrını tənqid edib.

Senzor.az-ın yerli KİV-ə istinadən məlumatına görə, SEPAH bildirib ki, Trampın israrı suallar doğurur, çünki iranlı danışıqçılar əvvəllər memorandumun tamamlanmadığını və yaxın günlərdə onu imzalamaq planlarının olmadığını bildiriblər.

Korpus Trampın tələsməsini İranla müqavilənin imzalanma mərasimini onun ad günü olan 14 iyuna planlaşdırması ilə izah edib.

"Bəzi müşahidəçilər onun inadkarlığının səbəbinin hadisədən simvolik şəkildə istifadə etmək və onu şəxsi PR hərəkətinə çevirmək istəyi ola biləcəyinə inanırlar", - deyə məlumatda qeyd olunub.

Qeyd edək ki, Donald Tramp İran və ABŞ arasında sazişin iyunun 14-də imzalanacağını bəyan edib.