Futbol üzrə dünya çempionatında J qrupunun növbəti oyunu keçirilib.
Senzor.az bildirir ki, Avstriya millisi İordaniya yığması ilə üz-üzə gəlib. Qarşılaşma Avstriya komandasının 3:1 hesablı qələbəsi ilə yekunlaşıb.
Oyunda hesabı 21-ci dəqiqədə Romano Şmid açıb. İordaniya yığması fasilədən sonra Ali İyad Olvanın qolu ilə tarazlığı bərpa etsə də, 76-cı dəqiqədə Yazan Əl-Ərəb avtoqola imza ataraq komandasını çətin vəziyyətə salıb. Matçın sonlarında Marko Arnautoviç penaltidən fərqlənərək yekun hesabı müəyyənləşdirib.
J qrupunun ilk oyununda isə Argentina və Əlcəzair milliləri üz-üzə gəliblər.
Kanzas stadionunda keçirilən qarşılaşmada Argentina 3:0 hesabı ilə qələbə qazanıb. Hər üç qol komandanın lideri və kapitanı Lionel Messinin aktivinə yazılıb.
