Rusiya hərbçilərinin Kiyevin ətrafını atəşə tutması nəticəsində Ukraynanın Qostomel şəhərinin başçısı Yuri Prilipko həlak olub.UNİAN xəbər verir ki, bu barədə Qostomel Şəhər Şurası məlumat yayıb.
Bildirilib ki, Yuri İliç Prilipko aclara çörək, xəstələrə dərman paylayır, çarəsizlərə və ümidsizlərə yardım edirmiş.
Məlumata görə, Yuri Prilipko ilə yanaşı, insanlara kömək edən daha iki nəfər də güllələnib.
“Report” xatırladır ki, Qostomel Kiyev vilayətinin Buçanks rayonunun şəhər tipli qəsəbəsidir. 2022-ci il martın 6-da Ukrayna Prezidenti Volodimir Zelenskinin sərəncamına əsasən “Qəhrəman şəhər” fəxri adına layiq görülüb.
