Futbol üzrə dünya çempionatında Belçika İranla qarşılaşıb.
Senzor.az bildirir ki, Los-Anceles stadionunda keçirilən G qrupunun II turunun matçında hesab açılmayıb - 0:0.
Avropalılar qarşılaşmanı 10 nəfərlə başa vurublar. Belə ki, qarşılaşmanı idarə edən argentinalı FIFA referisi Dario Errera Natan Nqoyu 66-cı dəqiqədə qırmızı vərəqə ilə cəzalandırılaraq meydandan qovub.
G qrupunun II turunun "BC Place" stadionunda keçirilən digər matçında isə Misir və Yeni Zelandiya milliləri üz-üzə gəliblər.
Oyun Misirin 3:1 hesablı əzmkar qələbəsi ilə başa çatıb. Hesabı Yeni Zelandiya yığmasından Finn Serman (15) açıb. İkinci hissədə geri dönüş edən misirlilər Mustafa Ziko (58), Məhəmməd Salah (67) və Trezeqenin (83) qolları ilə 3 xalı qazanıblar.
Beləliklə, hazırda Misir 4 xalla G qrupuna başçılıq edir. 
Üçüncü turda Misir İranla, Yeni Zelandiya isə Belçika ilə qarşılaşacaq. Hər iki oyun 27 iyunda, Bakı vaxtı ilə saat 7:00-da başlayacaq.
