Rusiya və Ukrayna arasında növbəti girov mübadiləsi aparılıb.
Senzor.az yerli KİV-ə istinadən bildirir ki, bu barədə Rusiyanın İnsan Hüquqları üzrə müvəkkili Yana Lantratova məlumat verib.
Onun sözlərinə görə, mübadilə nəticəsində Ukraynada saxlanılan 7 Rusiya vətəndaşı ölkəsinə qaytarılıb. Onlardan beşi Kursk vilayətinin sakinləri, o cümlədən Sudja şəhərindən olan bir qadın, digər iki nəfər isə Rusiyanın başqa regionlarının sakinləridir.
Lantratova bildirib ki, razılaşma çərçivəsində eyni sayda – 7 nəfər də Ukraynaya təhvil verilib.
Qeyd edək ki, bundan bir gün əvvəl tərəflər arasında “160-ın 160-a” formatında hərbi əsir mübadiləsi də həyata keçirilmişdi.
