ABŞ, Kanada və Meksikanın ev sahibliyi etdiyi futbol üzrə dünya çempionatında 1/16 final oyunları çərçivəsində iki sensasiya qeydə alınıb.
Senzor.az bildirir ki, iyunun 30-u gecəsi əvvəlcə Paraqvay Almaniyanı məğlub edib.
Daha dəqiq desək, Boston stadionunda keçirilən matçın əsas və əlavə vaxtında qələbə qazanan tərəf olmayıb – 1:1.
Paraqvayın heyətində Xulio Ensiso (42), Bundestimdə isə Kay Havertz (54) fərqlənib.
Paraqvay millisi 1/8 finalda Fransa - İsveç cütlüyünün qalibi ilə qarşılaşacaq. Almaniya isə turnirdə mübarizəni dayandırıb.
İkinci sensasiya isə Monterrey stadionunda keçirilən Mərakeş-Niderland qarşılaşmasında qeydə alınıb.
Bu matçda da əsas və əlavə vaxtda qalib müəyyənləşməyib – 1:1. Niderlandın heyətində Kodi Qapko (72), Mərakeşdə isə İssa Diop (90+1) fərqlənib.
Qalibi müəyyənləşdirmək üçün yerinə yetirilən penaltilər seriyasında daha dəqiq (3:2) oynayan Afrika təmsilçisi 1/8 finala yüksəlib.
Mərakeş 1/8 finalda Kanada ilə qarşılaşacaq. Matç iyulun 4-də keçiriləcək.
