Dünən, martın 11-də Ukrayna hərbçiləri Rusiyanın Su-34 qırıcı-bombardmançı təyyarəsini vurub və dörd helikopter də daxil olmaqla daha beş hava hədəfini məhv ediblər.Senzor.az bildirir ki, bu barədə Ukrayna ordusunun Hərbi Hava Qüvvələri komandanlığı məlumat yayıb.
Qeyd olunub ki, “Buk-M1” və “S-300” zenit-raket bölmələri bir gündə beş hava hədəfini vurublar: bir “Forpost” pilotsuz uçuş aparatı və dörd helikopteri. Bundan əlavə, Su-24m bombardmançıları, Su-25 hücum təyyarələri, Ordu aviasiyasının Mi-24 helikopterlərindən ibarət taktiki qrup Rusiya texnikasının kolonnalarına 10-dək reyd keçirib, bu zaman zirehli texnikalara güclü raket və bomba zərbələri endirilib.
